السلام عليكم ورحمة الله وبركاته
عزيزي الزاائر اهلا وسهلا بك اذا كنت عضوا تفضل بالدخول واستمتع معنا , واذا كنت زائرا ارجو التسجيل في دردشة و منتديات الحب والرومانسية & امير الحب& ونتمنى ان تكون ¨°o.O ( ..^عضوا مميزا^.. ) O.o°¨
في اسرة منتدانا وان شا الله بتنورنا بإشراقتك الحلوة بيننا ::+:+:+:+::
وشكرا جزيلا لكم ameerel7ob™️ سيد جروحي


"¨°°o°°¨]§[°ادارة المنتدى°]§[¨°°o°°¨"


منتديات الصداقه
 
الرئيسيةالتسجيلدخول
منورين

شاطر | 
 

 ولســـــــــــــــــه!

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
الكنج
عضو برونزي
عضو برونزي
avatar

عدد المساهمات : 430
مزاجي :
نقاط : 580
تاريخ التسجيل : 11/01/2010

مُساهمةموضوع: ولســـــــــــــــــه!   الخميس يناير 28, 2010 12:24 am



بسم الله الرحمن الرحيم
السلام عليكم ورحمة الله وبركاته
من أربع سنين لما بدأ فيروس انفلونزا الطيور ينتشر في العالم مصر خسرت في 24ساعه 16 مليار جنيه
كانو بيقولو وقتها كلام معظم الناس مكانتش واخده بالها منه كانو بيقولو
لو حصل تزاوج بين انفلونزا الطيور والانفلونزا اللي بتصيب الانسان هينتج فيروس جديد ممكن يبيد البشريه كلها
وقالو المكان الوحيد اللي ممكن يحدث فيه عملية التزاوج بين الفيروسين هو داخل جسم الخنزير
وللأسف الكلام ده حصل دلوقتي ونتج فيروس جديد اللي بنسميه انفلونزا الخنازير،
سبحان الله على الرسائل اللي بتيجي منه يوم بعد يوم عشان ابن آدم يفوء،ياجماعه مافيش مرض
اسمه انفلونزا الخنازير أصلا.طب هو اتنسب للخنازير ليه؟ الخنزير ده الفندق الخمس نجوم
اللي اتقضى فيه شهر العسل مابين فيرس انفلونزا الطيور وفيرس انفلونزا الخنازير
اشمعنا بقى الفيروسين دول اللي حصل بينهم تزاوج؟
فيروس انفلونزا الانسان فيرس سهل بس سريع الانتشار
وفيرس انفلونزا الطيور فيرس خطير ومميت ولكن صعب انه ينتشر
فلما حصل التزاوج بين الفيروسين نتج وحش جديد فيروس جديد جندي جديد من جنود ربنا سبحانه وتعالى
سريع الانتشار ومميت في نفس الوقت اللي بنسميه فيرس انفلونزا الخنازير
ومن هنا بدأ العالم رحلة الرعب اللي بيعيش فيها دلوقتي
لأن دلوقتي عطسه واحده من خنزير ممكن تبيد بلد بأكملها
حتى الناس بتوع التاريخ مرعوبين وبيقولو ان في فيرس زي الفيرس ده
جه من تسعين سنه وأباد مدن بأكملها وأباد بشر كتير في القارات السته
والحكومات كلها مرعوبه وبيقولو لبعض إذا كانت أمريكا وأوروبا
مش قادرين يسيطرو على الفيروس ده إحنا هنعمل ايه؟
حتى الأطباء مرعوبين لأنهم بيتعاملو مع حاجه مشافوهاش قبل كده
بيتعاملو مع جندي جديد لسه نازل من خزائن الملك محدش يعرف عنه أي حاجه
الناس كلها في هلع ورعب وفزع شديد
أقرأو ربنا بيقول ايه:فَأَرْسَلْنَا عَلَيْهِمُ الطُّوفَانَ وَالْجَرَادَ
وَالْقُمَّلَ وَالضَّفَادِعَ وَالدَّمَ آيَاتٍ مُّفَصَّلاَتٍ فَاسْتَكْبَرُواْ وَكَانُواْ قَوْماً مُّجْرِمِينَ
[الأعراف : 133]
العلماء قالو آيات مفصلات معناها بينها وبين بعضها فواصل
يعني آيه ورا آيه ورا آيه
فيرس ورا فيرس ورا وباااء......ولســــــه
الأول تلاقي زلزال ولسه مفؤتوش ييجي جنون البقر وبعده الحمه القلاعيه
وبعده الايدز والأبولا وبعدين انفلونزا الطيور وبعدها صخرة الدويقه اللي سقطت من على الجبل
وبعدين البطاله والعنوسه والبلطجه وانفلونزا الخنازير.....ولســــه
اللي بيحصل ده تبع قول الله تعالى
ومَا نُرِيهِم مِّنْ آيَةٍ إِلَّا هِيَ أَكْبَرُ مِنْ أُخْتِهَا وَأَخَذْنَاهُم بِالْعَذَابِ لَعَلَّهُمْ يَرْجِعُونَ
[الزخرف : 48]
بس مين اللي بينتبه؟
محدش عايز يفهم ليه؟ محدش عايز يترجم ليه؟
اللي بيحصل ده كله رسائل من ربنا لكل شاب ماشي في طريق المعصيه
انت مخنوء ياحبيبي؟وتعبان ومكتئب والدنيا متقفله في وشك؟ ولســــه
يامتبرجه دي رساله ليكي انتي بقالك كذا سنه متجوزتيش؟انتي لسه تعبانه؟ولســـــه
يابنات ياللي واقفين طوابير على محلات الملابس الضيقه وفاكرين نفسكو كده متحجبات
تعبانين في حياتكو؟حياتكو ممله؟حياتكو مليانه مشاكل؟ ولســــه
طول مالبنوك الربويه شغاله وسطنا وعادي لسه ياما هنشوف
أمه إسلاميه وكلها معاصي-إلا من رحم الله-طول ما احنا كده لسه ياما هنشوف
طول مانت سايب بنتك تنزل في الشارع بمنظر لو بنت أبو لهب نازله الشارع كده كان
أبو لهب قتلها وطول مانت سايب قنوات الأغاني شغاله في بيتك كده عادي
البيت فيه خنقه؟ البيت كله مشاكل؟وفيه ضيق؟ وابنك اتمرد عليك؟ وكارهين بعض؟ولســــه
ياجمـــاعه يا ده يتغير يا لسه الآيات دي والإبتلاءات دي مش هتروح ولا هتنتهي إلا لو اتغيرنا
إِنَّ اللّهَ لاَ يُغَيِّرُ مَا بِقَوْمٍ حَتَّى يُغَيِّرُواْ مَا بِأَنْفُسِهِمْ[الرعد : 11]
القرآن هو الحل ياجماعه،الكلام اللي فات ده كله كلام فاضي لو متبعهوش عمل
ويبقى كلام مالوش لزمه،لازم من النهارده يكون لنا ورد قرآني يومي
نحافظ عليه يوميا عايزين نتشحن بالقرآن-مَنْ أَعْرَضَ عَنْهُ فَإِنَّهُ يَحْمِلُ يَوْمَ الْقِيَامَةِ وِزْراً[طه : 100]-

كم واحد فينا بعيد عن القرآن ومبيقرأش غير من رمضان لرمضان
وَمَنْ أَعْرَضَ عَن ذِكْرِي فَإِنَّ لَهُ مَعِيشَةً ضَنكاً وَنَحْشُرُهُ يَوْمَ الْقِيَامَةِ أَعْمَى
[طه : 124]
يعني الحياة من غير القرآن ضنك وملهاش لزمه ويتحشر يوم القيامه أعمى
لأنه كان معمي عن القرآن وعن ذكر ربنا في الدنيا أصلا
ربنا هيقول ايه تاني ياجماعه عن فضل القرآن؟
ولسه آيات كتيره تحس على القرآن وتتوعد من يبتعد عن القرآن
مستنيين ايه لسه؟
حددت لنفسك ورد قرآني يومي ولا لسه؟
ياجماعه ربنا بيقول
وَمَا أَهْلَكْنَا مِن قَرْيَةٍ إِلَّا لَهَا مُنذِرُونَ [الشعراء : 208]
ممكن الكلام ده يكون آخر انذار ليك من ربنا مستني ايه؟
أشكركم اخواني على سعة الصدر
إن من بركة العلم ان تنسب الأقوال إلى شيوخها
فهذا من نفيس كلام الشيخ/حازم شومان
أعلى الله قدره ورزقنا وإياه الإخلاص
سبحانك اللهم وبحمدك أشهد ألا إله إلا انت
أستغفرك وأتوب إليك
والسلام عليكم ورحمة الله وبركاته
الرجوع الى أعلى الصفحة اذهب الى الأسفل
أأ.قصي الخطيب
عضو جديد
عضو جديد
avatar

عدد المساهمات : 15
مزاجي :
نقاط : 17
تاريخ التسجيل : 20/01/2010

مُساهمةموضوع: رد: ولســـــــــــــــــه!   السبت فبراير 06, 2010 7:24 pm

ميرررررررررررررررسي روووووووووووعه يسلمووووووووووووو
الرجوع الى أعلى الصفحة اذهب الى الأسفل
الكنج
عضو برونزي
عضو برونزي
avatar

عدد المساهمات : 430
مزاجي :
نقاط : 580
تاريخ التسجيل : 11/01/2010

مُساهمةموضوع: رد: ولســـــــــــــــــه!   السبت فبراير 06, 2010 9:07 pm

مرسى لمرورك
الرجوع الى أعلى الصفحة اذهب الى الأسفل
 
ولســـــــــــــــــه!
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
 :: ¨°o.O (المــنتــديات الإسلامــية) O.o°¨ :: ((تقــــوى القلـــــــوب ))-
انتقل الى: